Ngā Tohutohu
Heluhelu a hoʻopihapiha i nā pane no nā nīnau.
Read and fill in the answers for the questions.
Hoʻolohe pono i ka puana o nā huaʻōlelo
Listen carefully to the pronunciation of words.
No Kalae nō lā hoʻi kēia keiki!
Aloha mai kākou! ʻO Hiʻileiokahoaʻāina Kekupa koʻu inoa (ʻo Hiʻilei koʻu inoa kapakapa). ʻO koʻu ʻohana kēia. ʻO koʻu moʻokūʻauhau kēia. ʻO koʻu moʻolelo kēia.
ʻO Nāleialoha Hoaʻāina-Kekupa koʻu makuahine. No Waialua, Oʻahu mai ʻo ia, akā, ʻo Kahuku kona kula kiʻekiʻe. ʻO Piʻilani Hoaʻāina kona makuahine. No Waialua mai nō hoʻi ʻo Tūtū Piʻilani. ʻO Manu Hoaʻāina kona makua kāne. No Koʻolauloa, Oʻahu mai ʻo Tūtū Manu. ʻO Kahana kona ʻāina hānau.
ʻO Kaleopaʻa Kekupa koʻu makua kāne. No Nānākuli mai ʻo ia. ʻO Nānākuli nō hoʻi kona kula kiʻekiʻe. Akā, ʻo Kaʻū, Hawaiʻi kona ʻāina kupuna. ʻO Kamuela Kekupa kona makua kāne a ʻo Lilinoe Kekupa kona makuahine. No Kaʻū mai kona makua kāne a me kona makuahine.
ʻO Hiʻileiokahoaʻāina Kekupa koʻu inoa. No Kahana a me Kalae koʻu mau kūpuna! ʻO au nō ke ēwe hānau o ka ʻāina.
